Being entirely honest with oneself is a good exercise.

Во текот на психотерапискиот процес ќе добиете поддршка при следнава тематика:

• Препознавање и промена на обрасци што ве повредуваат – начини на размислување или однесување што ве враќаат во болка, вина или самосаботажа.
• Депресивни состојби и хронична тага – зајакнување на самопочитта и повторно будење на животната енергија.
• Анксиозност, паника и немир – разбирање на длабоките корени на стравот и создавање телесен и емоционален мир.
• Работа со гневот и конфликтите – учење како гневот може да стане глас на автентичноста, а не на самообвинување или напад.
• Продлабочување на самосвесноста – разбирање на внатрешните делови, мотиви и несвесни динамики што го водат секојдневието.
• Навигирање низ животни промени – премини, кризи, нови почетоци и процес на доверба во себе кога ништo не е сигурно.
• Вина, срам и сексуалност – враќање на достоинството и задоволството како дел од здрава човечност.
• Поддршка при процес на „coming out“ и ЛГБТ идентитет – создавање простор каде идентитетот не е прашање на осуда, туку на прифаќање.
• Работа со траума и стравови – безбедно обработување на искуства што го прекинале чувството на сигурност и доверба.
• Тагување и интеграција на загуба – кога смрт, развод или прекин ја менуваат мапата на вашиот живот.
• Поддршка при развод – помош во процесот на одвикнување од старата динамика, враќање на личниот интегритет и создавање нова стабилност, особено кога постојат деца или сложени емоционални врски.
• Однос со сопственото тело – развивање на почит, присутност и чувство дека телото не е непријател, туку сојузник.
• Интимни релации – градење стабилни, нежни и зрели партнерства, без потреба од самозаштита или контрола.
• Релација родител–дете – создавање свесна врска во која љубовта и границите одат заедно.
• Поддршка за родители на ЛГБТ деца – разбирање, прифаќање и раст со вашето дете низ процесот.
• Опоравување по злоупотреба, насилство или силување – враќање на контролата, достоинството и вербата дека безбедноста е можно.

Ако се соочувате со ваква или слична тематика, психотерапијата е добар избор за да си помогнете.

• Присутност и внимание – на секоја сесија целосно сум присутна со тебе, со цел да те чујам и двајцата да разбереме што се случува во телото и умот.
• Без осуда, со почит – овде нема правилни или погрешни чувства, нема „срамота“; само слободен простор каде може да бидеш искрен/а со себе.
• Работа со тело и емоции – не сме ограничени само на зборови; гледаме како телото носи пораки и ги интегрираме емоциите.
• Темпо по твоја мерка – не брзаме; твојот ритам одредува кога ќе се отвораат сложени теми или ќе се истражуваат длабоки чувства.
• Практични инструменти и нови перспективи – и покрај тоа што процесот е длабок и емоционален, ќе добиеш и конкретни техники за справување со стрес, анксиозност, конфликти и одлуки.
• Безбедност и доверба – целта е да создадеме стабилност, безбедна средина во која можеш да ризикуваш, да експериментираш со нови начини на размислување и да се видиш себеси појасно.
• Рефлексија и интеграција – по сесијата ќе имаш простор да ги почувствуваш, размислиш и интегрираш новите сознанија во секојдневието. Вистинската терапија се случува надвор од сеансата.
• Хумор и човечка топлина – работата не е само сериозна и тешка; смеењето, леснотијата и човечката поврзаност се дел од процесот кој заеднички го содаваме.